سه شنبه پنجم شهریور ۱۳۹۲ - - سجاد -
صبح اولدوقجا یاتمادیم یاندیم رقیبین حالینه
توپراق آغلیر گورنه عالمدیر داشین احوالینه
گوزله دیم یاریم گله توخداق وئره بد حالیمه
گلمه دی یالقیز قالیب لعنت دئدیم ایقبالیمه
بوشلادیم باشیمدا کی سئودالری افسوسیلن
چیخمارام گلسه اونون اولسم ده استیقبالینه
هاردادیر فرزانه لر یاری نصیحت ایله سین
آندیرا عشقین طریقین حلم ایلن او ظالیمه
دونمز او ظالیم بالاسی اوز سوزوندن بللی دیر
فیکرینن افسارینی وئرمز یقین هچ عالیمه
عاشقین سهمی آز اولموش گونده دیلداری گوره
کاش چکه رسسام ، عکسین من باخام تیمثالینه
چکسه ده نقاش نقشین دیلبریم اوز دونده ر
چونکی رسسام باخمیا جان یاندیران اوز خالینه
اچمیشام بوینوم دا کی زنجیر عشقی آزادام
دوشمه رم کاروان کیمی او ساروانین دونبالینه
گوی لره پرواز ائدیب اوج آلمیشام قارتال کیمی
من داها قارراهلانیب گوز تیکمیشم اوز بالیمه
یازمیب یازماز (کیان) بهتان سوزو عاشیق لره
چونکی دیققت ائیلیر پیشمیش سوزه هم کالینه
( کیان )