سنده قوجالدون

ای دادیله بیداد گوزل سنده قوجالدون
سالدی سنیده دست قضا بنده قوجالدون
حسنونده اولان رنگ ولطافت هارا گیتدی
عشاق لارا اولدون بئله شرمنده قوجالدون
بیر گونکی دییردیم مارالیم گل بیزه هر دم
ایندی دیورم گلمه بو دربنده قوجالدون
آتمیشدون او گون گولشنی بیر روضه ء رضوان
ایندی سنه یئر یوخدی گلشنده قوجالدون
عشاق دوشردی دالیوا دسته به دسته
حتی قوشولاردیم اولارا منده قوجالدون
سندن گوتورولدی او صفای ملکوتی
اولدون داخی ابلیسه نماینده قوجالدون
باخجاق یوزیوه گول کیمی قلبیم آچیلوردی
ایندی سنی گورجک قاچورام کنده قوجالدون
ضرب المثل آتمیشدی سنون حسنوی یاران
قویموش سنی ایندی هامی ریشخنده قوجالدون
بیر زلف که بنزردی لطافتده قباقندا
اولدون نیه بس بویله سرافکنده قوجالدون
بیر نخل ثمر بخشیدی بو قامت شمشاد
ایندی داخی لاییق دگی پیونده قوجالدون
سانسور
سانسور
بیرعده گزردی سنیله سایه بسایه
قاچدی هاموسی اولدی پراکنده قوجالدون
هر چند کریمی قوجالار شعری قوجالماز
بنزر هاموسی شکره گلقنده قوجالدون 

 شعر :  استاد كريمي مراغه اي

قلمیم یازما داها ایستمورم یادیمه دوشسون، اورگیم غملره دولسون،گینه­ده قانه بئلشسون، بیده اول یاره­لریم آغزینی آچسون تئزه­لن سون، داها دای یازما قلم ایستمورم شاد اولا غملر، گئله دردلر، دئمه دای غملی بی­سوزلر.

آی کاغیذ! سن اوزاق ائت بو قلمی، آلما جانه گینه دردلن ورمی، چئکمه غملر یوکی آغوشه چاغیرما قلمی، هر نه قورتاردی سوروشما صنمی، قویما یازسون بو فلم بیرده بهاری، قویما چئکسون سنون اوسته بیده اول نازلی نیگاری

قویما بیرده دانیشا سوزیوکی سنلن، ایسته­مه بیرده دیئه غم سوزی منلن، ائشیده بیلمیورم یار سسی سندن، داخی دای گلموری اول یار ائیی سندن، ایسته­مم بیرده گؤرم قانه بئلشمیش اورگی، بیرده بوکولموش کورگی، ایسته­مم بیرده آلام یار ائیی سندن، داها دای ایستمورم بیرده آلام یار سؤزی سندن

دونیادور چوخلی اؤیون اوینیوری، ایستمور بیر کسی گورسون کی یاریلان اولوری، ایستیور داغ ویرا قلبه یر گؤره کی نولوری، ایستیور قانه بئلشسون بوتون عاشیق اورگی، ایستمور کی بو فلک شاد اولا بیر کس، خوش اولان گونلری بیر لحظه گوره گولمیه بیر کس.

آی کاغیذ! قویما قلم بیرجه یوخونلوق لارا گلسون، سنی یازسون، سنی ده اؤز غمینه بیرده گرفتار ائله سون، گئت کاغیذ! قویما قلم بیرده آپارسون او قرارون، دوشه­سن من کیم بیر دفعه چؤله، تا ائوله قلبیده اول آرزیلارون، گلمیه بیرجه نیگارون، اولیا بیرده بهارون

من گئدیم بیردفعه لیک گورمیه لر غم یوکی منده، بیلورم گئلمیه جک سن کی تاپام جانیمی سنده، یوخ گیلایه بیلورم ایستموسن بیرده گوره­سن بو یوزومی، داریخیب سان او قدرکی ائشیدیب­سن بو غملی سوزومی، گئت گینان ا... آمانینده سوروشما سوزومی، ایسته­مه نعره چئکم یاندیرارام من اؤزومی

سن خوش اول خوش لی بی گونلر گؤره سن، دونیانین ذره غمین چئکمیه سن، قوی کی من غصه یئیم غصه نی سن چئکمیه سن، نازگولوم، گورمیه سن غملی خزان، اولماسون اول اورگون دردلی دومان، گئت داها یاد ائله مه غملی مصیبت، داخی محنت لی مصیبت، قوی اؤلوم تک دانا بیر داخمادا نیلورسه مصیبت...

گئدون دیون او سئوگیه داها داریخمارام سنه

قرار دوتماسا ائورک بیرده سیخیلمارام سنه

قوتاردی سئوگی سوزلری ائورک بوشالدی سئوگیدن

گورسم آسئوگی بیر سنی ، داها ویریلمارام سنه

یازیب لا قد و قامتی قیامت ایلیور یارین

قیامتین گونونده ده ، گلیب آییلمارام سنه

ویصاله ال تاپانمادیم ، خوش اولمادی بو سئوگیمیز

یانیب گوزل ،کوزررنیب ئینه آلیشمارام سنه

دیورله قوش اوچان چاغی چالیشما قاچدی دامیدن

ائورک قورتاردی بندیدن گولوم چالیشمارام سنه

گوزون پیاله یازمیشام ، دوداقلارین دا لاله تک

ساریشدی عشقیلن خیال گلیب ساریشمارام سنه

منه باهاردا یوخدو داد، پاییزدی قیش دی گونلریم

دولی ویریبدی غنچنه نی گولوم آچیلمارام سنه

منه فراق گوج گلیر دیور ئینه سئوم سنی

یانار مصیبت هیجروه ، داها آلیشمارام سنه

شعر از آقای سیفی منصور ( مصیبت)

گئدون دیون او سئوگیه داها داریخمارام سنه

قرار دوتماسا ائورک بیرده سیخیلمارام سنه

قوتاردی سئوگی سوزلری ائورک بوشالدی سئوگیدن

گورسم آسئوگی بیر سنی ، داها ویریلمارام سنه

یازیب لا قد و قامتی قیامت ایلیور یارین

قیامتین گونونده ده ، گلیب آییلمارام سنه

ویصاله ال تاپانمادیم ، خوش اولمادی بو سئوگیمیز

یانیب گوزل ،کوزررنیب ئینه آلیشمارام سنه

دیورله قوش اوچان چاغی چالیشما قاچدی دامیدن

ائورک قورتاردی بندیدن گولوم چالیشمارام سنه

گوزون پیاله یازمیشام ، دوداقلارین دا لاله تک

ساریشدی عشقیلن خیال گلیب ساریشمارام سنه

منه باهاردا یوخدو داد، پاییزدی قیش دی گونلریم

دولی ویریبدی غنچنه نی گولوم آچیلمارام سنه

منه فراق گوج گلیر دیور ئینه سئوم سنی

یانار مصیبت هیجروه ، داها آلیشمارام سنه

شعر از آقای سیفی منصور ( مصیبت)